Afi er að „ skemma “ baðið !

Þetta sögðu litlu stúlkur, Tinna Katrín (3) og Júlía Brá (2) þegar þær sáu hvernig umhorfs var á baðherberginu.

Það er sumsé verið að henda öllu út af aðal baðinu og setja flísar í hólf og gólf, skipta um hreinlætistæki, hurð, ofn og allt.

Hinn laghenti húsfaðir Jakob framkvæmir allt verkið sjálfur eins og honum einum er lagið.

Vegna gífurlegs áhuga og forvitni fjarstaddra fjölskyldulima hef ég ákveðið að skella inn nokkrum myndum af athæfinu og verða þetta svona framhaldsmyndir eftir því sem verkinu miðar áfram.

Rifrildið byrjað !

Innyfli í poka

 

 

 

 

 

 

 

 

 

 

Þessi lýsing á slátri er komin frá tengdasyninum.

 

 

Það er næsta víst að andi „Guðrúnar frá Lundi“ hefur svifið yfir vötnum eða öllu heldur sláturbalanum hér að Skútahrauni þegar gerðir voru u.þ.b 140 sláturkeppir á dögunum og veitir ekki af handa stórri fjölskyldu.

Það vou líka gerðir nokkrir rúsínukeppir fyrir mömmu, amma Lóa hafði alltaf gert það í sinni tíð, en það er gert þannig að það eru settar rúsínur í restina á blóðhrærunni. Voða gott

En þetta nú heldur minna mál núna en þegar þurfti að sníða og sauma vambir og brytja mör.

 

 

Þetta var hinn ágætasti dagur og mikið gaman.

Við höfðum náttlega gott með kaffinu t.d döðluköku með heitri karamellusósu og rjóma, kúmenkringlur og túnfisksalat, kleinur og fleira gott.

 

 

                              Já, hún Guðrún

 

 

 

 

 

 

Sumir fóru til rjúpna þ.e sonurinn og tengdasonurinn, því allir verða að fá sinn uppáhalds-jólamat

Rjúpur eru og verða mitt uppáhald.

 

                                                                                 Einu sinni orti Hermann í Björk þessa vísu : 

                                                                                           

Fimmtándi er á föstudag,                                                                  
fýsir mig á fjöllin.
Þar sem fljúga rjúpurnar
og  endur fyrir löngu. 
 

 

 

 

 

 Verðandi jólakrás

 

 

 

 

 

 

 

 

 

Litlu stúlkur þurftu að fara saman í bað í bala í sturtunni,og fannst það ekki mjög leiðinlegt.

Það er  sem sagt allt í lamasessi og uppgerð á hinu baðinu.

( Kanski meira um það síðar... svona fyrir og eftir dæmi ).

 

 

 

 

 

 

 

 

                                                                                                                           

 

 

 

                                        

 

 

 

 

 

                                                                                        

Surtseyjarkaka !

 Surtseyjargosið varð lengsta gos Íslandssögunnar, því lauk 5. júní 1967.

Í tilefni af því að það eru 45 ár síðan Surtsey varð til, ætla ég að birta þessa uppskrift úr „Eldhúsbókinni “ frá október 1965 og heitir Surtseyjarkaka.

 

Surtseyjarkaka :

2. tertubotnar eftir eigin uppskrift

1/2. l rjómi þeyttur

2. 1/2 dl apríkósusulta- sett saman við rjómann

7. blöð matarlím lagt í bleyti í kalt vatn, það síðan tekið upp, vatnið kreist úr og brætt í skál yfir gufu

og sett ylvolgt saman við rjómann.

 

120. gr súkkulaði - brætt

250. gr flórsykur - settur saman við

heitt vatn eftir þörf

smjör-klípa

Haft mátulega þykkt

2. stórar möndlu-makkarónukökur- muldar

50. gr gróft saxaðir hnetukjarnar

1. msk flórsykur - sigtaður yfir

Bleytið spring-form að innan með köldu vatni.

Formið á að vera jafnstórt og botnarnir

Leggið annan botninn í formi, þegar búðingurinn er aðeins farinn að stífna er honum hellt yfir botninn. hinn botninn lagður yfir og kakan látin á kaldan stað - minnst tvær klst.

Fyrst er kakan öll smurð með súkkulaðibráðinni

og síðan er muldum makkarónunum og hnetukjörnunum hrært saman við það sem eftir er af bráðinni og því smurt ofan á kökuna.

Flórsykri stráð yfir áður en kakan er borin fram

Verði ykkur að góðu !

P.S það má alveg kvitta í gestabókina.