Reykjahlíðarrétt í Mývatnssveit

 

Það er ekki oft sem fólk getur mætt á stuttbuxum og ermalausum bol í réttir en það gerðist í gær í dásamlegu veðri og 17-20 stiga hita.

Fjölmenni var, allt frá ungbörnum upp í fólk yfir nírætt. Og allir skemmtu sér vel. enda alltaf gaman að sýna sig og sjá aðra.

Konur úr slysavarnadeildinni Hring buðu upp á hefðbundið íslenskt kaffihlaðborð, einnig pylsur, gos og sælgæti, eins og venjulega öllum til ánægju og yndisauka 

Reykjahlíðarrétt er merkilegt mannvirki. Réttin er öll hlaðin úr grjóti og mun elsti hluti hennar hafa verið gerður kringum 1880-85. 

Til leiðbeiningar fyrir ferðamenn, eftir Gísla Pétursson 1948.

Stutt lýsing á Mývatnssveit.

Reykjahlíðarrétt.

Þegar kemur norður úr hrauninu, eru nýræktir frá Reykjahlíð á vinstri hönd, en hægra megin er fjárrétt hlaðin úr grjóti. Til þeirrar réttar er smalað allt Reykjahlíðarland, en það nær frá Mývatni rétt austan við Grímsstaði, norður um Bóndhól vestan við Gæsafjöll og austur norðan við þau um fjallið Eylíf í Dettifoss og síðan suður með Jökulsá eins langt og grös gróa, eða með öðrum orðum, suður að Vatnajökli. Nú kemur á réttina aðeins fé að bæjunum norðan og austan Mývatns, en áður kom þangað fjöldi fjár úr lágsveitum sýslunnar.

Úlfaldi úr mýflugu 2010

Hvað er Úlfaldinn?

Úlfaldinn er tónlistarveisla sem haldin hefur verið í Mývatnssveit frá árinu 2008

Hátíðin verður haldin helgina 9. - 10. júli

 

Aðgangur er ókeypis á tónleikana og ekkert aldurstakmark.Tjaldsvæði er í göngufæri við tónleikahlöðuna.

Um Úlfaldann ...

Sagan á bak við Úlfaldann:

Það var einn dag í okótber 2007 að Beta hringdi í Stefán og spurði hvort það væri ekki sniðugt að hafa tónleika í hlöðu föður hennar sem stóð ónotuð í Reykjahlíð við Mývatn. Stefán sagði strax já þar sem hann hafi lengi velt því fyrir sér að halda tónleika í sveitinni en alltaf vantað staðsetningu. Þar með var það ákveðið, tónleikar yrðu haldnir sumarið eftir en ekki ákveðið í hvaða formi það yrði.

Svo gerðist ekkert fyrr en upp úr áramótum þá fóru þau að ræða þetta af alvöru og í mars hittust þau á óformlegu órómantísku stefnumóti í hlöðunni. Þar voru línurnar lagðar að því sem koma skyldi en það var ljóst að mikið verk var fyrir höndum. Í hlöðunni voru yfir 350 m3 af tæplega 15 ára gömlu heyi sem þurfti að hreinsa út en stærstu verkin voru þó að gera stórt gat á hlöðuna og fella millivegg sem skipti henni í tvennt. Margar helgar fóru í þessa vinnu og nutum við mikillar og góðrar aðstoðar frá vinum og bændum og búaliði.

Meðfram þessu öllu saman þurfti að finna hljómsveitir til að spila, safna styrkjum, auglýsa tónleikana, útvega hljóðkerfi, leyfi, kamar og allt hvaðeina.

Allt gekk þetta upp að lokum og urðu tónleikarnir að veruleika 12. júlí 2008.

Úlfaldi úr Mýflugu 2008:

Það voru eintómar toppsveitir sem við fengum til að spila á fyrstu hátíðinni: Hraun, Jan Mayen, Vicky Pollard og Thingtak. Auk þess bættust strákarnir í Ælu við á síðustu stundu og spiluðu nokkur lög.

Tónleikarnir stóðu yfir frá 20:00-00:00 og á tímabili voru um 450 manns á svæðinu. Allt saman gekk vel og tónleikagestir létu vel af tónlistinni og stemningunni. Eftir að tónleikum lauk var haldið út í Rjóður þar sem gleðin var við völd fram undir morgun.

 

 Hljómsveitarlisti 2010

Föstudagur hefst kl. 19:00

Tom Hannay (UK)

Árstíðir

Kiriyama family

Nögl

Thingtak

Endless dark

 

Laugardagur hefst kl 18:00

Baggabandið

Of monsters and men

Some shape to enter (DK)

Bróðir Svartúlfs

Nevolution

Cliff Clavin

Jan Mayen

Agent Fresco

 

 http://ulfaldinn.is/  

Hvaða aðgerðir ?

 

Þingmenn vinstri grænna greinir á um til hvaða aðgerða eigi að grípa til að mæta fyrirséðum ríkissjóðshalla næsta árs. Ögmundur Jónasson og Lilja Mósesdóttir vilja fara aðrar leiðir en flokksforustan. Rík andstaða er gegn því að skattleggja séreignalífeyrissparnað innan vinstri grænna til að stoppa upp í fjárlagagat næsta árs að sögn Björns Vals Gíslasonar.

Ögmundur Jónasson var í viðtali í hádegisfréttum RÚV. Hann segist sammála Lilju og segir einnig... Mín skoðun er sú að við eigum að gera allt sem í okkar valdi stendur til að til að draga úr niðurskurðarþörfinni einkum innan velferðarþjónustunnar og þá hljótum við að kanna allar leiðir til tekjuföflunnar.... Svar Ögmundar þegar hann er spurður um skoðanir flokksystkina sinna, að þau hljóti að nálgast þetta með opnum huga...(og svo rúsínan í pylsuendanum).....við verðum að horfast í augu við það að við búum við mjög sérstakar aðstæður á Íslandi og sérstakar aðstæður krefjast sérstakra aðgerða. (hádegisfréttir rúv)

Skattar munu hækka eitthvað