Hvers vegna ?

Beint í meginmál síðu.

Vísir, 03. sep. 2009 19:42

Hvers vegna eiga Íslendingar að greiða Icesave?

Fjöldi fólks hefur mótmælt Icesave samningunum á Austurvelli í skipulögðum mótmælum. Mynd/ Arnþór

Jón Hákon Halldórsson skrifar:

 

„Af hverju ætti fólk sem kom hvergi nálægt Icesave reikningunum að greiða fyrir þá, bara af því að þeir búa á Íslandi?" Þessarar spurningar spyr Nathan Lewis, sjóðsstjóri og pistlahöfundur á Huffington Post.

Lewis er ómyrkur í máli gagnvart Alþjóðagjaldeyrissjóðnum og segir hann rústa Íslandi og Lettlandi, sem eiga í miklum efnahagslegum erfiðleikum þessa dagana. Hann segir að Alþjóðagjaldeyrissjóðurinn hafi frá því í byrjun níunda áratugar 20. aldar misleitt forystumenn ríkisstjórna um allan heim og haft í hótunum við þá svo að þeir greiddu af mislukkuðum veðum stórra peningamanna með skattfé.


Þá segist Lewis hafa áhyggjur af því að stjórnvöld á Íslandi verði neydd til þess að selja eigur ríkisins á brunaútsölu.

Lewis endar grein sína á því að það eigi að leggja niður Alþjóðagjaldeyrissjóðinn.